Dèan Ceangal
Tha ceanglaichean aig teis mheadhan obair a’ Choimisein. Air an duilleig seo, gheibh thu fiosrachadh mu na diofar dhòighean anns an urrainn dhut beachdan a chur a-steach agus eòlas a thoirt do lèirmheas a’ Choimisein air fèin-riaghlaidh na h-Alba.
Ceisteachan agus Fòram air-loidhne
Lìon ar ceisteachan air-loidhne, no cur ris an deasbad air ar fòram.
Tachartasan
Faigh a-mach mu na tachartasan ceangail ionadail a chum sinn no a tha sinn a’ cumail air feadh na dùthcha
Seiseanan Fianais
Bidh an Coimisean a’ gabhail fianais bho roghainn de bhuidhnean is de dhaoine fa leth ann am Pàrlamaid na h-Alba. Faigh a-mach mu bhith a’ tighinn, no faic bhideo no tar-sgrìobhadh bho sheiseanan fianais.
Tagraidhean Sgrìobhte
Dh’fhosgail co-chomhairle tòiseachail air 22 Cèitean 2008 agus dhùin e air 13 Ògmhios, ag iarraidh bheachdan air dè na cuspairean air am bu chòir don Choimisean a bhith a’ beachdachadh. Dh’fhosgail pròiseas co-chomhairle coitcheann air 18 Ògmhios 2008 ag iarraidh bheachdan mionaideach air grunn chuspairean taobh a-staigh raon-ùghdarrais a’ Choimisein. (Gus sùil a thoirt air na cuspairean, put an seo.) Dhùin seo air 3 Sultain.
Chur a’ Chiad Aithisg an dàrna cuairt de cho-chomhairleachaidh air bhog. Thoir sùil air an Aithisg fhèin, no air a’ phàipear Co-chomhairleachaidh, airson mion-fhiosrachadh mur na cuspairean mu bheil sinn gu sònraichte airson ur beachdan fhaighinn. Tha sinn a’ cumail oirnn ann a bhith a’ cur fàilte air tagraidhean coitcheann co-cheangailte ri cuspair sam bith a tha taobh a-staigh raon-ùghdarrais a’ Choimisein. Mus cur sibh tagradh a-staigh, feuch an dèan sibh cinnteach gun leugh sibh na notaichean mu bhith a’ cur tagradh a-steach, agus ar poileasaidh air a bhith a’ làimhseachadh thagraidhean a gheibhear.
Is e 24 Gearran 2009 an ceann-là airson a h-uile tagradh sgrìobhte don Choimisean. Mar chùl-fhiosrachaidh, dh’fhaodadh gum bidh sibh airson sùil a thoirt air Pàipear-taic don Achd 1998 far a bheil liosta de na cumhachdan a tha glèidhte aig Pàrlamaid Westminster.
Cuiribh ur tagraidhean gu:
Rùnaireachd a’ Choimisein,
1 Melville Crescent,
Dùn Èideann EH3 7HW
No cuir post-D gu info@commissiononscottishdevolution.org.uk.
Tagraidhean a fhuaras
Faic na tagraidhean – a’ gabhail a-staigh freagairtean don cho-chomhairleachaidh “ciad ìre” sa Chèitean agus san Ògmhios 2008, freagairtean don cho-chomhairleachaidh “dàrna ìre” a chur a’ Chiad Aithisg air bhog, agus measgachadh de thagraidhean.
